Slik låner du bøker

Laane Med lånekort på biblioteket kan du låne bøker, tidsskrifter, filmer og andre medier

Det er gratis og enkelt å få lånekort. Alle over 15 år som bur i Noreg, kan få nasjonalt lånekort. Barn mellom 6 og 15 år og personar utan norsk fødselsnummer kan få lokalt lånekort. Dette gjeld også for skolar, barnehagar og institusjonar som blir registrerte på institusjonen sitt namn og ansvarsperson.

Nasjonalt lånekort

Med eit nasjonalt lånekort kan du:

Bruke same lånekort i heile Noreg - du kan hente og levere overalt i landet
Bestille frå andre bibliotek (Norgeslån) og hente materialet ved ditt lokale bibliotek
Fornye og reservere materiale på internett
Fornye på sms ved å svare på melding om forfall

For å få eit nasjonalt lånekort må du registrere deg med fødselsnummer (eller D/DUF-nummer). Fødselsnummeret blir ikkje lagra i biblioteket sitt register. Dersom du har eit lokalt lånekort, kan vi oppgradere kortet eller lage eit nytt kort.

Dersom du vil sjå kva opplysningar som er registrert på det nasjonale lånekortet ditt, kan du logge inn på nettsida til nasjonalt låneregister.

Lånekortskjema

For å få lånekort kan du registrere deg på websida eller fylle ut registreringsskjema når du er på biblioteket. Ta med gyldig legitimasjon som inneheld personnummer og bilde når du hentar lånekortet.

Ta alltid med lånekortet når du skal bruke biblioteket. Du er ansvarleg for alt som blir lånt på kortet ditt. Det er enkelt å legge inn lånekortet på mobilen. Last ned Bibliofilappen i Appstore for iPhone/iPad og Google play for Android-einingar.

Meld frå til biblioteket om du endrar namn, adresse, telefonnummer eller e-postadresse. Du kan også endre opplysningane på Mi side.

På Mi side kan du søke, bestille, reservere og fornye lånetida på bøker. Du kan melde frå om interesseområde, slik at du får e-post når nye titlar innanfor interesseområda blir bestilt. Her er meir om Mi side.

Dersom du ikkje overheld lånetida, blir det sendt to påminningar på e-post/sms. Blir lånt materiale tapt, skadd eller ikkje levert, skal det erstattast etter biblioteket sine reglar. Faktura med erstatningskrav pluss administrasjonsgebyr på kr. 100 blir sendt lånar. Erstatningsbeløp blir kreditert dersom du leverer før rekning er betalt. Etter at rekning er betalt, vert det ikkje refundert.

Personvern

Ålesundsbiblioteka behandlar personopplysningar i samsvar med personopplysningslova og GDPR - EU si personvernforordning.
Biblioteket treng opplysningar om namn, adresser, telefonnummer og e-postadresser for å kunne administrere utlån og formidle fjernlån av materiale til brukarane. Når ein registrerer seg som lånar, gir ein samtykke til at biblioteket tek vare på desse opplysningane.
Opplysningane som blir registrerte i biblioteket sitt datasystem, blir ikkje brukt til andre føremål enn å administrere utlån/innlån og samle statistikk over bruken av biblioteket (statistikken er generell, ikkje knytt til enkeltpersonar).
Personnummeret blir ikkje lagra lokalt, men blir nytta i det nasjonale låneregisteret
Lånar kan velje å vere registrert som lokal lånar, då treng ein ikkje gi opp personnummeret.
Dei tilsette ved biblioteket har teieplikt og gir ikkje informasjon om lånarane eller kva dei låner til uvedkomande, korkje andre brukarar, andre tilsette/verksemder i kommunen, andre bibliotektilsette eller politi/andre styresmakter. Dei tilsette i biblioteket har ikkje informasjon om kva ein lånar har lånt i andre bibliotek.
Innsyn: Låneren kan sjølv logge inn på heimesida til biblioteket, nytte appen Bibliofil og sjå kva opplysningar som er registrert på sin eigen lånarkonto, eller be om å få sjå informasjonen på biblioteket.
Utlånshistorikk: Utlånshistorikk (kva ein lånar har lånt) kan ikkje takast vare på utan at lånaren ber om det.
Lånaren kan be om at hans/hennar opplysningar i lånerregisteret blir sletta.

Kontakt biblioteket dersom du ynskjer meir informasjon om kva opplysningar biblioteket lagrar om deg som lånar!

Lånerett

Lånekort
Ein må vise legitimasjon når lånekort skal opprettast. Unnateke er institusjonslånarar og barn under ungdomstrinnet i grunnskolen. Barn under 15 år må ha underskrift av føresett. Institusjonar blir registrert på namnet til institusjonen ved ansvarleg person. Lånaren pliktar å ta med lånekortet når han/ho skal låne. Lånaren må melde frå til biblioteket ved adresseforandring eller ved tap av lånekort. Ein kan evt. nytte digitalt lånekort på Bibliofil.
Lånetid
Normal lånetid er 4 veker. Det kan vere kortare lånetid på etterspurde/reserverte bøker. Filmar har 7 dagars lånetid, språkkurs 8 veker, musikk-cd og tidsskrift 14 dagars lånetid. Eit lån kan normalt bli fornya maks 2 gongar dersom materiellet ikkje er reservert for andre. I spesielle tilfelle kan utvida lånetid avtalast.
Ansvar
Lånaren er ansvarleg for alt som blir lånt på lånekort. Tapt eller skada materiell må erstattast. Erstatning skjer etter faste satsar vedtatt av kommunestyret. Biblioteket er ikkje ansvarleg for skadar som kan skje på avspelingsutstyr ved lån/bruk av materiell, som f.eks. filmar og musikk-cd.
Reservering
Utlånte bøker og anna materiell kan reserverast.
Lån frå andre bibliotek
Bøker, artiklar og filmar som biblioteket ikke eig, kan som regel lånast frå andre bibliotek. Eigarbiblioteket fastset lånetida.
Lånenekt
Brudd på biblioteket sitt reglement kan medføre tap av lånerett.

Erstatning

Lever innan fristen

Ålesundsbiblioteka får no felles rutinar for purring og erstatning av bøker. Biblioteket sender ut to varslar, på e-post eller SMS. Dersom bøkene då ikkje vert returnerte, må dei erstattast etter faste satsar. Du vil få ein faktura frå oss. Gjer slik:
-   Har du bøkene? Lever tilbake alt du har lånt og betal administrasjonsgebyret på kr. 100. Bruk fakturaen du fekk tilsendt, men juster beløpet til kr. 100. Bruk same KID-nummer.
-   Finn du berre nokre av bøkene? Lever dei tilbake, juster beløpet på fakturaen og betal.
-   Finn du ikkje noko av det du har lånt, må du betale heile beløpet på fakturaen.

Kva kostar det å erstatte tapt/skadd materiale?

-   Skjønnlitteratur (vaksen) kr 400
-   Faglitteratur (vaksen) kr 500
-   Barn (skjønn- og faglitteratur) kr 300
-   DVD kr 200
-   CD kr 50
-   Lydbøker (vaksne) kr 500
-   Lydbøker (barn) kr 300
-   Tidsskrift kr 100

Språkkurs og spesielt verdfulle bøker, f.eks. på Lokalsamlinga, blir fastsatt individuelt av biblioteket på basis av innkjøpspris og tilgang. Bøker lånt frå andre bibliotek: eigarbiblioteket fastset kravet.

Sjå erstatningssatsar på tapt utlånsmateriell - Ålesundsbiblioteka, vedteke av Ålesund bystyre

- Kvifor må eg betale eit fast gebyr i tillegg?
Gebyret dekker kostnader ved å sende faktura, i tillegg til ekstraarbeidet biblioteket har med å skaffe materiale tilbake og klargjere for utlån.
- Eg fann boka etter at faktura er betalt. Kan eg få igjen pengane?
Nei, men vi kan vurdere om vi vil kjøpe boka tilbake. Det kan vere aktuelt om vi kan dekke eit hol i samlinga eller serien ved å kjøpe tilbake materialet.

Spørsmål eller klagar som gjeld erstatningar

Ta kontakt anten personleg i biblioteket, eller ta kontakt på e-post eller telefon:
alesund.bibliotek@alesund.kommune.no, tlf. 70162260.

Lån frå andre bibliotek

Biblioteka i Noreg samarbeider. Er du ute etter ein tittel som biblioteket ikkje har i samlinga, kan du låne han frå eit anna bibliotek. Gratis.

Innlån – biblioteket bestiller for deg

Vi kan hjelpe deg med å låne bøker frå andre bibliotek.

Det tek normalt frå eit par dagar til eit par veker før det bestilte materiellet kjem, men det kan også ta lengre tid. Ta gjerne kontakt dersom det tek meir enn 3 veker.

Norgeslån – bestill sjølv

Dersom du ikkje finn det du er på jakt etter i vår Bibliotekbase, kan du prøve Norgeslån.

På Biblioteksøk kan du søke og bestille frå dei fleste folkebibliotek i landet, få det levert til ønska bibliotek og eventuelt levere tilbake på eit tredje! Dersom du ikkje finn det du leitar etter i Biblioteksøk, kan du henvende deg til biblioteket, så skal vi bestille for deg.

Logg deg inn og velg hentebibliotek. Du får beskjed på e-post eller SMS når du kan hente det du har bestilt. Du må ha Nasjonalt lånekort og pinkode for å kunne nytte dette tilbodet.

10-dagars lån

Kikkhullet