Digihjelp innstilt pga korona

Digihjelpa er utsett inntil vidare!

Frå veke 44 tilbyr vi Digihjelp på Moa og Ålesund bibliotek, fredagar kl 10.00-15.00, i skuleruta. Få drop in-hjelp til alt frå bruk av smarttelefon til skylagring og bruk av nettbrett. Tilbodet er eit samarbeid med IKT Servicefag ved Ålesund vgs. Kjenner du nokon som du trur kan ha behov for Digihjelp, så gi dei informasjon.

Tilgang til Lovdata pro på biblioteket

No har du som lånar tilgang til fullversjonen av Lovdata når du er på biblioteket. Bibliotekversjonen inneheld dei same rettskildene som fullversjonen, men ingen personlege arbeidsverktøy.  Du treng difor ikkje registrere deg som personleg brukar. 

Her kan du søke i Lovdata pro.

Velkomen til biblioteket! 

Alle biblioteka i landet i eitt søk - Biblioteksøk

Biblioteksøk kan du enkelt bestille bøker frå heile landet. Du må ha nasjonalt lånekort. Logg på med lånekortnummer og pinkode. Sjå til at ditt eige bibliotek står som hentebibliotek. Du får beskjed frå biblioteket ditt når du kan hente. Spør dei bibliotektilsette dersom du lurer på noko, eller send spørsmålet til bibsok@nb.no.

«Naturens skjønnheter i fjær og pels» av Gabriel Feodorov

I november kan du sjå ei imponerande utstilling av fotografi frå dyreriket på fotogalleriet til Ålesund bibliotek. Det er Gabriel Feodorov frå Romania som stiller ut bilete med tittelen «Naturens skjønnheter i fjær og pels». Feodorov flytta til Noreg for nokre år tilbake, og lot seg inspirere av landets ville og vakre natur. I denne utstillinga vil han vise fram noko av skjønnheita han har fanga på kameraet sitt rundt omkring i Ålesund, og også nokre bilete frå Dovrefjell. Nokre av bileta har han teke i nærleiken av sin eigen heim på Gåseide. Med dette ynskjer han å vise at ein ikkje treng å reise fleire tusen mil, eller bruke mykje pengar for å drive med hobbyen sin. Du kan gå ut i hagen eller næraste skog, og likevel komme tett på dyr og  fuglar i sitt naturlege element. Utstillinga gjev oss eit fascinerande innblikk i naturen og dyra som omgir oss. På bileta har han fanga nysgjerrigheit, kjærleik, kamp og vennskap, men på ein litt annan måte enn det vi ser frå menneske. Dette er den reine versjonen frå dyreriket.

Utstillinga er tilgjengeleg i biblioteket si opningstid i heile november.

Velkomen!

Bestill og hent

 

Grunna kort opningstid vil Ålesund bibliotek tilby våre lånarar å bestille, hente og levere bøker kl. 16-19 på kvardagar og kl. 10--15 på laurdagar.

Bestill bøker på e-post til alesund.bibliotek@alesund.kommune.no

Søk i basen vår for å sjå om bøkene du vil låne, er ledige. 

Oppgi:

Lånarnummer:
Namn:
Kva du ønskjer å låne:

Du vil få svar på bestillings-e-posten når bøkene er klare for henting. Viss du har materiale som står på hentehylla som du har fått melding om, kan du inkludere dette i mailen.

Du kan også levere inn bøker som er lånt, i innleveringskassa.

Bøkene blir gjort klare til deg og lagt i posar. Dei kan hentast i inngangspartiet til biblioteket.

Ålesund kommune

Ålesund bibliotek
Hovudbiblioteket: Keiser Wilhelms gt. 15, lavblokka på rådhuset, 2. etg.
Tlf: 70 16 22 60 / 70 16 22 51
alesund.bibliotek@alesund.kommune.no